Call for Govt to fulfil obligations to veterans from previous wars

Dean Nathan

Kaare anō kia tika te tiaki i ngā ika-a-whiro o Aotearoa kua haere ki ngā pakanga ō-mua, ā, e tono tonu atu ana te Kāwanatanga i ngā hoia o Aotearoa ki te mura o te ahi. Koinei te wairua o ngā kōrero e whiua ana i te rā tuarua o te nōhanga a te Taraipiunara o Waitangi ki te whare o Tūmatauenga, i Te Taitokerau.

Kei konei nga morehu i runga hoki i te aroha ki o ratou hoa kua kore e tae tinana mai na te mauiui.

E ai ki a Hohepa Matene, “Koia tenei ka haere mai kit e tautoko i oku hoa hoia.  Ko tetahi o o matou hoa kei koeni kei raro nei a Graham Tautari, e rua e toru tau pu ano kei runga he mea pei pei haere.  Horekau te kawana e ware ana ki a ia engari e rua tau i tawahi i Malaya.”

Kei te noho tupato tonu nga kaikereme ina kei te tono tonu nga uri ki tawahi pakanga ai, a, kahore ano kia tika noa nga hee o mua.

Hei tā Te Moananui-a-Kiwa Wood no Ngati Rua, “Kua pau te waa mo oku matua kua mate kee ratou engari kei nga pakanga kei te haere tonu mai, e tonotono ana e ratou aku mokopuna a tatou tamariki ki tawahi.  Na maumahara mai kia ratou, whakatikaina nga hee kua pahure, whakatikaina inaianei.”

Ki raro i te kaupapa hou e karangatia ana ko Taonga Tuku Iho, ka taea tonu te taraipiunara te ui i nga kaituku korero.

A te wa ka noho ano te taraipiunara whai wahi ai nga roia mo te karauna me nga kaikereme te uiui tangata.

“I hoki mai engari I hoki mai me etahi kehua ki runga I o raua pokowhiwi, ka tahaengia atu raua ki tua o te arai. Ko taku tumanako i haere mai au i te ra nei ki te korero atu ra ki te kawana ki te kii atu, he uru a raua, he karanga maha a rua, he aha ra tau e te kawana,” hei tā Nau Epiha

“Koia tenei te aue i roto I au, e kitea ana oku ano tamariki oku mokopuna oku mate kei roto ia ratou,” hei tā Matene.

Hei te Paraire mutu ai ngā whakaritenga taraipiunara nei.