Arahura - Pūrongo Motuhake

Wepiha Te Kanawa

He tata ki te kotahi rau rima tekau tau te hapū o Ngāti Waewae nō Te Waipounamu e noho marae kore ana, tae noa i tēnei rā.

Hei tā Fayne Robinson, “Kare ano kia tū tētahi whare tipuna ki konei mo ngā tau kotahi rau rima tekau, he ōrite kē te āhua ki Makaawhio, nā whai ano kāre he tauira he tohu mā mātou i ā mātou e whakatū i te whare nei. "

I turaki te whare tipuna tuatahi I mura rāno I te pakanga tuarua nui o tea o, ināianei e ono ngā whakatipuranga kua hori, he ahuru mōwai tā rātou.

Hei tā Tina Henderson, “Hikaka katoa ana au na te mea ko tēnei te whakatuwheratanga o to matou whare, ka mau te wehi, te ihi te mana, ngā kare-ā-roto, pupu ana ngā kare-ā-roto. Ka timata ahau ki te tangi, ka maringi ngā roimata.”

Ko Fayne Robinson te kaiwhakairo o te whare nei, hei ko tana ko ia tētahi o ngā kaupapa uaua rawa atu nā te mea kaore he tauira hei whai.

Ko Ngāti Waewae tērā e whakapau kaha ana ki te pupuri ki Te Reo me ōna Tikanga, ko te mana me te tapu hoki o te Pounama tā rātou hoki e whakaarai.

Hei tā Jymal Morgan o Te Runanga o Ngāi Tahu, “Ko matou o Ngāi Tahu I mua I te taenga mai o Ngāi Pākeha ko matou tena e tiaki nei I tena taonga, engari i roto I ngā tau, kua riro ma Ngāi Pākeha, ma tauiwi tēnei rawa e whakahaere. Tae rāno ki te whakataunga o ta mātou kereme, na rātou I whakahokia mai ki a matou.”

Kua roa nei ngā kaitāhai pounamu e tango pounama ana mai I te awa, me te hoko atu kore raihana. Ināianei kua hangaia e Ngāi Tahu I tētahi rautaki nama e taea ai ratou te kite  no hea te pounamu, ngā kōrero o te whakairo, ā, me te tangata I whakairohia te taonga.

Na te whakatūnga o tēnei whare hōu me te kaupapa e āta tiaki ana i te pounamu, mei kore he pāinga nui ka puta mo ngā uri ngā tau kei te heke mai.