Applications submitted to refurbish Hinemihi

Mere McLean

Kei te tautoko a Hemi Schuster, uri whakaheke o Tene Waitere, tētahi o nga kaiwhakairo o te wharenui o neherā a Hinemihi, kia whai wāhi ētahi pūtea hei whakatika i te wharenui kei te papa o Clandon, Ingarangi. 

He mātanga hītori, toi Māori a Hemi Schuster, ā, kua roa ia e mōhio ana mo te tauheketanga o Hinemihi o Te Ao Tawhito.

“Karekau he papa kei roto i te whare, karekau he hiko, karekau he raiti,” hei tā Schuster.

Nō ngā rau tau iwa tekau mā rua, nā te tuawha o ngā Ariki o Onslow i hoko i a Hinemihi, ka whakahoki atu te whare ki Clandon Park, engari i te tau kotahi mano, iwa rau, rima tekau mā ono ka riro a Hinemihi ki raro i te rōpū National Trust, UK. 

Ahakoa kei tāwaahi e tū ana, he piringa a Schuster kei reira te wairua ki tōna ngakau, “Na te National Trust te whare nei, heoi anō ko te wairua o te whare, na mātou, na mātou o Ngāti Hinemihi.“

Ko Te Maru o Hinemihi he rōpū i whakatū ki Ingarangi, hei waha i ngā māharahara mo Hinemihi.

E ai ki te heamana o tērā rōpū, a Anthony Hoete, uri nō Ngāti Awa, kaihoahoa ki Rānana ko ta rātou māhara nui ko te whakaora me te kaitiakitanga o Hinemihi, “The most symbolic parts of the whare, actually the carvings they need some protecting, they need to be removed for the winter.”

Hei te wiki e tū mai nei, ka tūtaki a Anthony ki ngā mana whakahaere o National Trust.

“We've dealing with a very large organisation to give them a lot of credit, National Trust, they have over the years changed their understanding of culture as not being artefact, but culture has being whakapapa, has being genealogy, culture as being living,” hei tā Hoete. 

E mohio ana a Jim he moemoea noa kia whakahokia mai a Hinemihi ki Aotearoa e kore pea e tutuki. Na reira ko tana āki kia whakamahia te whare ano kia whai waahi ai te tangata ki te haere ki roto.