Waharoa mō Te Matatini

  • Waikato/Te Waiariki

E toru tekau mita te whānui, he tekau ma toru mita te teitei, e rua tekau ma ono tana te taumaha, ka noho te whakāro nei hei Mahau mo Te Matatini.

Ko ngā iwi katoa o te motu e tohua ana o roto tonu i te whakairoiro. I timata te hikoitanga mō te Mahau o Te Matatini, atu i tenei wā ka noho koia hei Mahau mo ngā Matatini e whai ake nei.

E ai ki tētahi o ngā māngai o Te Arawa kia Mauriora Kingi “ka mutu tenei o ngā Matatini koinei te Mahau ka tu ki roto i nga mahau kei roto i ngā tau e tū mai nei, kaua ko tenei Matatini anake.

Kua whā marama te roa o ngā mahi whakaaro i te Mahau, rua tekau ngā ringa rehe e whakaaro ana. Ko te papaahurur o tenei tāonga i tikina mai i ngā korero o te orokohanga o ngā mahi whakaaro, kā tūhono nei i te Māori me te Moana nui a Kiwa,

He pae tawhiti tenei kua whakatinanahia, e rere ana ngā kare a roto. E ai ki tētahi o nga kaiwhakairo kia Karl Johnstone kei roto i ngā rā e toru ka oti te wahakatu i te mahau, whai muri i tera ka whakatutu haere te papa whakatau waewae, ko tāna kua āta rangahaua e rātou ngā ahuatanga katoa nā reira e kore i a i te kite i ētahi ahuatanga ka whakararu i aā rātou mahi.


I timata kau te tūhonotanga ki waenga i Te Matatini me Te Puia i te tau rua mano mā iwa, ā muri i tenei ka rere ngā mahi whakaritea e tū ai ā Te Matatini.
Ko tā te tumu whakarae o Te Matatini ko Darrin Apanui ko te wawat nui he rua tekau ma rima mano te hunga ka tau atu ki taua kaupapa i a rā.

No reira e rua wiki kei te toe mo te timatanga o Te Matatini ki Rotorua, hei taua wā ka kite i ngā toa o te aō kapa haka e whakataetae ana mo te taitara o taua kaupapa whakahirahira.