Ngā kaupapa: Entertainment, Te Matatini

Te whakarewatanga o te mahau o Te Matatini

  • Waikato/Te Waiariki

E ai ki te heamana o Te Matatini, he momo hokinga o te whakataetae ki te ūkaipo, nā runga i te tūnga tuatahi o te whakataetae kapahaka ā motu ki roto o Te Arawa i te tau kotahi mano, e iwa rau, e whitu tekau mā rua.

Tekau ma toru mita te teitei o te mahau o Te Matatini, kua tu maia, kua tu whakahirahira. 

I timata mai nga whakataetae ā motu ki Rotorua i te tau kotahi mano, iwa rau whtu tekau ma rua, kua ekea ki te wha tekau tau i tenei tau.

Tata ki te kotahi rau te hunga i tae mai ki te tā i te kawa, he mahau tenei i paihere i Te Matatini me Te Puia, whā marama te roa o te whakairo haere, rua tekau nga ringa rehe nō nga topito o Aotearoa i waihanga i taua tāonga.

Ko tā Monty Morrison o Te Arawa, “koinei tētahi atu o nga mahi e whakareri ai, engari ko te mea honore nui ki a matou ko tenei te whakātu ki a matou me te karakia.”

Wha tekau mā tahi nga kapa haka ka whakataetae ki runga i te papa whakatutu waewae hei te wiki e haere ake nei, ka eke a Te Matatini ki tōna tau rua tekau ma tahi, a e koropupū ana te wairua whakataetae ki roto o Rotorua.

Kairīpoata: Mere McLean.