Te whakanekeneke Paremata

  • Te Whanganui-ā-Tara

Ko ētahi i wikitoria, ko ētahi kei raro kē e putu anai te rārangi rūnanga matua o te Kawanatanga.

Tokorima ngā mema Māori kei runga i te rārangi, engari ko Kate Wilkinson raua ko Phil Heatley i panaia atu.

Ko tā te kai-ārahi takirua o te Pāti Māori a Pita Sharples, koira te ahua o tenei Kawana ko te pana atu i te tangata.

Ka hoki ano a Nick Smith hei Minita mo te Papa Ātawhai me te Kōpaki Hanga Whare.

Ka noho tonu a Hekia Parata ki te tūranga Mataurangi me te Kopaki o te Moana nui a Kiwa ahakoa tana tau wenerau.

Ko Paula Bennett raua ko Tariana Turia ngā Minita tuarua mo te hanga whare. Ka pupuri ano a Bennett i te kopaki Hiranga Tangata ko Turia ka mau tonu i nga kopaki Minita Whanau Ora me te Hauā . Ko te Minita tuarua mō ngā kopaki Hauora, Hanga Whare, Hiranga Tangata me te Matauranga Tuatoru.

Ko Pita Sharples te Minita mo ngā Take Māori ano me te Minita Tuarua mo te Matuaranga me te tai Whakatika Tangata.

Ko tā Sharples e tautoko ana ia i te Kawanatanga hou nei, ko tāna he uaua te mahi i ētahi wā, heoi nā tona kaha me tera o tona hoa a Turia me te katoa o tana Pāti, kua tutuki rātou i te maha noa o nga kaupapa pai mo te iwi Māori.

Ko Simon Bridges ka waimaria kai toru ngā tūranga hou mona, ko te Minita mo ngā take Pūngao me te Minita mo ngā take Mahi a ko ia hoki te Minita Tuarua mo ngā take Tūruhi.

E rua wiki pea ka whakaingoatia ko te rārangi o Reipa e ai ki ngā whakapae kō Shane Jones ka piki ki runga rawa i te rārangi mo taua rōpu.

Kairīpoata: Mihingarangi Forbes.