Kaupapa: Water

Te whai tāpaetanga pōti a ngā kaiwhakahē i te hokona rawa Kawanatanga

  • Te Whanganui-ā-Tara

Ko tā ngā kaiwhakahē mei kore ka whiwhi rātou i te tautoko ka tāea te whakarite i tētahi tāpaetanga pōti i mua i te Kirihimete. Ko tā ngā kaihanga o tētahi petihana e whai tautoko ana mō tenei kaupapa kua tata ki te toru rau mano mā tekau te hunga kua hainatia, he pātata taua nama ki tera kua whakaritea ki te whakahaere i tētahi tapaetanga.

Ko tā te Pirimia a John Key kare ia i te āwangawanga, e whakapono ano hoki ka anga whakamua te hiahia a te Kāwanatanga ki te hoko atu i ngā rawa. Ko tā te kaiārahi tuarua o te rōpu Kakariki a Russell Norman e hiahia ana rātou ki te kohi i te toru rau rima tekau mano nga tāngata  tautoko te petihana rā, na konā ka tāea te whakatinana i tetahi tapaetanga.

Mena ka whai mana taua petihana ka tāea te motu whānui te tuku i a rātou whakāro mo te hokotanga atu o nga rawa Kawanatanga. 

Ko tā te kaiārahi o te rōpu Mana a Hone Harawira, he nui tana tautoko mo tenei kaupapa, kua whakaputa hoki ia te karanga ki te motu whānui ki te tuku i tā rātou ake tautoko ki te kaupapa, mena kahore tera e ao ake kā hāere te mana o ngā wai o Aotearoa ki te iwi o Haina.

Na tenei ahuatanga me te whawhai a te Kaunihera Māori ki rō Kōti ka timata hei te Noema he whakāturanga kare ano ngā kaiwhakahē o enei mahi kia takoto noa, kei te whawhai tonu rātou ki te whakakore i aua mahi.