Te takahi i ngā kawa ā-iwi

  • Te Tai Hauāuru

Me toro atu ki ngā iwi mana whenua me Te Papa Atawhai, ki te hiahia whakarite mahinga ki te papa rēhia ā-iwi o Taranaki, kei takahi pea i ngā tikanga ā-iwi mō taua wāhi.

Koinā te kōrero e meatia ana kua puta i a Taranaki, whai muri i te puku o ngā rae o te iwi i tētahi tira i whakatū papa hūpekepeke ki te mānia o Pouākai maunga i tērā wiki. 

Ko te āhua o te mahi a te tangata i ngā tihi o ngā maunga o Taranaki Pouākai me Kaitake, he take nui ki ngā iwi mana whenua, nā te rite o ngā tihi ki te ūpoko rangatira, he tapu.

Ā, i mōhio noa atu te tira, he whanonga me whai i aua maunga.

I kōhetengia rātou i te tau 2011 mō te hūhunu kai ki te tihi o Taranaki.

Heoi, kua puta ētahi me te kī, me ngoi ake a Taranaki Iwi me Te Papa Atawhai ki te whakaako i te iwi whānui ki ngā whanonga e tika ana me aro i taua wāhi.

Kairīpoata:  Piripi Taylor