Te maunga wīra rapa o Waikato

  • Waikato/Te Waiariki

He puna waiora, he awa, he wai, he ngahere.  Rawa atu ki tēnei, e tata atu ana ki te 1,000,000 o nga wīra nei kua putua ki tēnei whenua 61ha.

Tēnei wiki tonu ki te Kōti ā-rohe o Kirikiriroa, ka hāmenetia, ka whainahia ko te kaipupuri taitara o mua, a Ross Britten, kei koni atu i te $77,000.

E ai ki ngā whakatewhatewhanga a te Kaunihera, i utua e ētahi toa wīra kia haria e Britten o ratou wīra tawhito, engari kīhai ngā toa i mōhio ki te hē o āna mahi, te mea kē, i tanumia hētia i konei.

E mea ana te Kaunihera ka taea pea ngā waihotanga iho o ēnei wīra te whakakino i te awa o Mangapiko tētahi wairere e kōpikopiko atu ana ki ngā kōhanga ika o Waikato, arā te roto o Whakapē. 

Hei tā Patrick Lynch nō te Kaunihera ā-rohe o Waikato, "ka hāngai atu ki te momo paru, te rahi hoki o te paru, me te rere hoki o te ua, o te wai rānei."

Tērā pea kua kore tētahi e hiahia te hoko, engari e ai ki a Phil Aish he iti te utu, a, he utu rawe tēnei māna.

Hei tāna, "he wāhi pai mō te kauhoe, mō ngā mahi waka hourua, he wāhi hoki mō ngā taiohi i ngā rā wera.  He puna ka kitea mai te pari me te wai māori." Anō nei, "koinei tonu tōna whenua taurikura hōu."

Kairīpoata: Heeni Brown

VIDEO TO ATTACH