Kaupapa: Treaty Settlements

Te Mana Whenua o Whakarewarewa

  • Waikato/Te Waiariki

Ko te take mana whenua ki te kāinga o Whakarewarewa i Rotorua me te puia o Pohutu te ito o te kaupapa. 

He mana tuku iho tēnei no Te Whakarewarewa, engari kei a wai te mana whenua o tenei wāhi te kaupapa matua ka whārikihia ki mua i rōpu motuhake mō nga kaupapa whenua.

Ko tā, Ka Wiringi no Tūhourangi, Ngāti Wāhiao he māmā noaiho te pātai, “ko wai te mana whenua, ko Ngāti Whakaue, ko mātou rānei?

Ko Ngati Whakaue me Tuhourangi, Ngati Wahiao nga rōpu kei roto i tenei whawhai, ka mutu, e ai kia Mauriora Kingi o Te Arawa ko te whainga kia riro ma te korero e tau ai te kaupapa nei.

Ko tāna,“ko nga hapu e kōkiri ana i tō rātou take i tenei ra, kotahi te kawai, kotahi te kuia, kotahi te koroua, kotahi te whakaheke tōna tikanga, kia waea tetahi ki te wharangi kotahi, koira ke te tumananako.”

Ko te puia o te Pohutu tetahi o nga wahanga nui o te tono mana whenua a Tuhourangi, Ngati Wahiao, engari kei reira a Ngati Whakaue me a ratou ake korero e paa ana ki taua wāhi.

Ko tā Kingi ano, “ā whenua, ā rohe, kei konei nga taukumekumetanga, ko tētahi kei te whakakeke ki nga nga korero me nga kereme a Wahiao, ko Ngati Whakaue kei te whakakeke e kii ana kao kaare i te pera.”

Koinei te ara whakamutunga kia tau ai te rangimarie ki waenganui i nga rōpu katoa.

Kairīpoata: Mere McLean.