Kaupapa: Welfare

Kua whakahētia e Harawira ngā hāmene ki rō kōti

  • Te Tai Tokerau
  • Tāmaki Makaurau

“Kao” koinei te whakahoki korero Māori a Hone Harawira ki te pātai o te kōti mena i te whakāe ia ki nga hāmene kua whakaritea e nga pirihimana mōna. I pupū ake tenei ahuatanga i te taenga atu o Harawira ki te aupōro a nga kainoho whare kāporeihana o Ruapōtaka me te tatūnga o tōna waka ki mua i nga kaimahi e whai ana ki te hunuku i tetahi o nga whare ki wāhi ke. Na whai ano i tukia e nga pirihimana te matapihi o tona waka i mauheretia hoki i a ki reira. Ahakoa i pupū ake te riri a etahi o nga kaiporotēhi i whakatau ai e ia i a ratou a i haere tahi me nga pirihimana i raro i te whakāro āio. I tona putanga i te whare herehere ko tāna ki te hunga paapaho i tae atu ia ki reira ki te tautoko noaiho i te hapori ki raro i te maru o tona tūnga hei Mema Paremata. Ko tāna ano kihai i a i whati i nga ture, kare he take hoki o tona mauheretanga.

Ka tū ano a Harawira ki mua i te aroaro o te koti hei te tuawaru o te marama e heke mai nei