Kaupapa: Politics

Kōti apopo mō Hone Harawira

  • Te Tai Tokerau
  • Tāmaki Makaurau

I mauheretia a Hone Harawira i a ia e tautoko ana i te hunga noho whare kāwanatanga ki Ruapōtaka. Kua whakapāetia a Hone Harawira mo tana kore e nuku atu i tona waka i te rori.  He tekehi anake te waka mo Hone Harawira i tona taenga atu ki tetahi uiui i Radio Live i muri i tōna mauheretanga, inā kua rāhuitia e ngā pirihimana tōna ake waka. Ko ta Harawira “ kihai au i whati i te ture i reira au hei kaitautoko anake mo te hapori, i te mau hoki au I taku pōtae mema paremata, engari he pai noaiho mo nga pirihimana ki te tuki I taku waka? He aha te tikanga o tera?”

Ehara a Hone Harawira I te tangata tauhou ki nga mahi mauhere, nga mahi auporo ano hoki, ahakoa tenei ahuatanga ko tāna, kāre I a I te noho wahangū. Otira e mohio whānuitia ana he mahi nui mo ngā mema paremata te whakapataritari I te hunga papāho. Inā ko tōna haerenga I muri I te mauheretanga ko te haere ki te  hoko kai mō te tangata a Sam Kuha I noho kore kai mo ngā wiki e rua hei whakahe I ngā ture hou kua whakaritea e te Minita Whakahiato Ora mo nga kaipenihana. Na reira ko te ahua nei ahakoa ko te kōti kei mua I tōna aroaro kāre he paku aha mo tana tu.