Kihai te hikoi o Ngāti Hauā i tutuki ki Whangape

  • Te Tai Hauāuru

E tōtara wāhi rua tonu ana te wā kainga o Whangape whai muri i te kitenga o ngā wāhi hangahanga i te taimiri ‘P’ e whitu ki tō rātou maunga whakahe o Whakakoro.

I tae a tinana atu te mema paremata mo Te Taitokerau a Hone Harawira, ko tāna hei tautoko i te whai o taua hapori ki te whakakore i te ngangara ‘P’ ki waenga nui i a rātou.

I tera marama hoki, i tahuna ngā wharepuni o ētahi whānau o Ngāti Haua e te ahi, e whakapae ana, i pupū ake nā te taukumenga nei.

Ko tā tētahi o ngā mema o te hapori kia Francess Halkyard, kua rerekē te ahua o tona hapori i tenei wā, kua rerekē ano hoki te wairua o ngā tamariki i`na i te wā e tamariki ana ia, kāore tetahi ahuatanga pēnei ka puta ki reira.

I whakarauika atu ētahi o ngā whanau ki te take o te maunga o Whakakoro, me te wawata ki te puta atu ki te tamatāne, engari kihai aua wawata i tutuki, nā te noho tauwehewehe tonu.

A te marama e heke mai nei ka hui tahi ngā uri o Ngati Haua ki te marae o Te Kotahitanga kia whakakotahi ano ai te hapu, kia whakatau i te wairua o tō rātou tupuna maunga, ki te whakahoki i te oranga me te wairua o tā rātou hapori hoki.