Huripari whakamate i Tāmaki

  • Tāmaki Makaurau

Nō muri tata mai i te poupoutanga o te rā, hahau atu ai te huripari ki Whenuapai, tīhaehae haere ai i ētahi whare, heke atu ai ki Opānuku rā ano, whiua reretia ai ētahi kongakonga.

Ko tā te Tari Ārai Mate Whawhati Tata kō atu i te tekau mā tahi miriona tāra te utu ki te whakatika i nga hua kino kua pupū mai i taua āwha.

I tenei wā kare ano kia puta ngā ingoa o era kua hinga, engari e ai ki ngā whakamarama, he kaimahi whakatū whare te hunga kua mate.

I muri tata mai i te huripari i puta te tūpato nā te ope pirihimana, he huripari anō pea ka hua ake. E ai ki tētahi tangata maringanui i te huna haere i roto i tōna taraka, i whiua, i te karawhiua hoki te āwha i tona waka, i pōhehe i a i taua wā ka hemo ia na te kaha.

Ko Wellingford Way i Onekiritea tētahi o nga huarahi i kaha patua e te riri o te huripari ā ahakoa tera i huri etahi o nga kainoho o reira ki te hopu pikitia. E ai ki ngā ripoata i muri i te āwha kō atu i te rua rau te hunga i te noho kāinga kore i muri tata i ta pānga o taua huripari ki reira.

Tuia ki tēna i tuku atu te Pirimia i tōna aroha ki ngā hoa me ngā whānau o te hunga kua mate i te uru o Tāmaki. E ai ki te Minita Whakamarumaru a Chris Tremain, ara noa atu ngā ākina a Tāwhirimātea e matapaetia ana, no reira me matāra tonu te iwi.