Hukanui te Toa ō Homai Te Pakipaki

  • Tāmaki Makaurau

Ko te mana o Hukanui Brown tera i kaha piata mai i ngā whiringa toa ō Homai te Pakipaki i tenei tau, a nā te kaha tautoko o te marea i tōna tu kaha kua hoki ia ki te kainga me te tekau mano tāra te  taitara toa hoki o tenei whakāturanga whakangahau.

Ko tētahi o ngā ahuatanga tino motuhake ō tēnei kaupapa, he tuatahitanga hoki mo Homai Te Pakipaki , ahakoa i te kaha tautoko tōna pāpā a Whata Brown  i tana tama a Hukanui, ko ia anō tētahi o nga kaiwhakataetae i taua pō e aruaru ana i te tekau mano tāra me te taitara toa. Heoi ahakoa tana kaha ko tana tama kē tera i angitū.

Tekau katoa nga kaiwaiata i whai tūranga ki ngā whiringa whakamutunga o te whakataetae, ko Diane Tibble tēra i whiwhi i te tūranga tuarua, a whai muri mai i a ia ko Abbey Leigh me te tūranga tuatoru o te whakataetae.

Ko tā Hukanui kāre ano ia kia whakaritea me pēhea te whakapau i ōna whiwhinga tekau mano tāra, engari ka tino whakāro ā ia kia eke ki ngā taumata o te aō waiata. Ko tāna ano ko te aronga nui i tenei wā, he aha te anga whakamua he aha ra tōna hiahia i roto i te ao waiata.