He Whatinga Matāpono Matatapu mauhere

  • Te Waipounamu

Kua whakāe atu te Ara Poutama, he tino kino te whatinga matāpono matatapu i tetahi o ōna whare herehere hōu rawa atu. Kua puta ki te ipurangi, ngā whakāhua me ngā ingoa o etahi mauhere, ā hei tā te tangata nana nga taipitopito i whakapuaki, he mea tupono ngā korero matatapu nei i tana toronga atu ki tetahi whare herehere ātete kaha.

E rua rau tekau mā whitu miriona tāra i utua mo tetahi whare herehere hou pātata atu kia Otepoti ka pupuri i te whā rau mauhere. Heoi tē taea he whatinga mātapono matatapu te aukati.

Nā tetahi kaitiaki mauhere ō mua i whakatau mai kia Te Kāea ki hea tīkina atu ngā pepa i te ipurangi. Hei tāna kua korero kē ia ki ngā mana whakahaere mauhere, engari he taringa kōhatu ō ratou. Ko ngā ingoa, whakāhua me ngā taipitopito o ngā mauhere rima tekau ma rua whakaputaina.

Ki tā Te Ara Poutama nā tetahi mauhere o mua i tāhae i taua pepa, ā, nana hoki i whakaputa ki te ipurangi. E ai ki tetahi māngai o Te Mana Matāpono Matatapu ka taea e nga mauhere te tuku amuamu.

He take tenei kua toko ake whai muri i te kitenga i ngā pepa muna e hia mano o WINZ,me etahi whatinga nui i ACC me te tari tāke. Otira katahi ano i tukuna e te Toka Tumai o Tamaki Makaurau etahi pepa muna ki tetahi kairipoata o te hērora.

Kihai Te Ara Poutama i whāki mai mena rānei e mohio ana ngā mauhere kua whakaputaina o ratou taipitopito ki te ipurangi, engari e whakataewhatewha ana ngā pirihimana i tenei take.