He wharanga mate mō tētahi koroua nō Tauranga

  • Waikato/Te Waiariki

He koroua, he 75 tau te pakeke nō Tauranga, kua riro i ngā mōreareatanga o te ngāhere i te Rāhoroi nei.

I te haere mā raro rātou ko tētahi tira haere, he 11 tāngata te tokomaha, i te tāwhārua o Waioeka, whakatetonga atu i te tāone o Ōpōtiki.

I te ahu atu rātou ki te nohonga i Nīkau Flats, i te wā i taka ia i tētahi pari tahataha, he 20m nei te hekenga, ka tukia te mahunga, ā, nō te poupoutanga o te rā ka mate.

Kua riro te matenga hei take wherawhera mā te kaiwhakamātautau tūpapaku i te wā nei.

Kairīpoata: Amomai Pihama.