He whakatūpato mō te hara kohi kaimoana i te Tai Tokerau

  • Te Tai Tokerau

E $250,000 te rahinga o te whiu ka utaina pea ki runga i ētahi hunga i te Taitokerau mō ētahi hara kohi kaimoana.

Kei ngā tau 40 te pakeke o tētahi tāne me tētahi wahine e uiuia ana e ngā Tautiaki i ngā Tini a Tangaroa.

I tirohia tō rāua whare i Tikipunga whai muri i tā Te Manatū Ahu Matua whakatewhatewha i te hokotanga o ngā koura maha mā runga i a Pukamata, kei waenga i te $20 me te $30 te utu mō tētahi.

Tokowhā hoki ngā tāne nō Whangārei kua mau mō te apo toheroa.

Neke atu i te 470 toheroa i kohia hētia e rātou i ngā one o Ripiro whakateuru i Takiwira.

Mō te hui, mō te tangihanga anahe rānei te kohi toheroa, ka taea i raro i ngā ture.

Ko te matapae, ka hāmenehia te katoa i raro i ngā ture kaimoana.