He ua āwhā kua tau ki runga i Te Whanganui-ā-Tara

  • Te Whanganui-ā-Tara

Kua whekuwhekungia a Tāwhirimātea i ngā kainoho o Te Whanganui-ā-Tara inanahi.

He mea ohorere tēnei mō ngā kainoho nā te mea i te ata tonu he 20 pūtu te wera, heoi tae atu ki te ahiahi, kei te takiwa o te 11 pūtu tōnā whakapae.

E ai ki a Daniel Corbett, tētahi o ngā tohunga huarere o MetService, kua whakapaetia he ua māturuturu, he uira hoki.

Nāna anō i tohu ai i ngā wahi ka werohia te uira.  Heoi kāore te taunga waka rerengi o Te Whanganui-ā-Tara i kati i ngā rerenga, hakoa te kite i ngā kapua i eke ki te tauranga.

Hei tā Corbett anō, ka ohorere katoa te iwi i te mea, he mahea katoa ngā rangi i te ata, kia hoki rātou ki te kāinga, he rangi pōuriuri, he āwhā nā te huri kōaro o te huarere.

I tuku a MetService i tētahi pānui āwangawanga rauputu mō ngā rohe o Te Wairarapa, Wairau me Te Whanganui-ā-Tara. 

Kairīpoata:  Wepiha Te Kanawa