He tono mārena mā tētahi kapa kanikani i Ōtautahi

  • Te Waipounamu

I heria atu e Dallas Harema tana hoa a Lucy Ferris ki tētahi whakataetae waiata patipati moni, i reira i tū mai tētahi ope ki te kanikani ki te waiata 'Marry You', nā Bruno Mars.

I ohorere katoa a Ferris ki tana hoa i kanikani tahi me te tira, kātahi ka huatau mai mōna ake te waiata.

I te mutunga ake o te kanikani, i tono mārena atu a Harema ki a Ferris i mua i tētahi rōpū nui i whakarauika atu tahi me ō rāua whānau.

Ā, ko tā Ferris, i whakaae marika atu.

Kairīpoata:  Mihingarangi Forbes