He mihi nui mō ngā kaitinei ahi i Kāwhia

  • Waikato/Te Waiariki

Kāwhia tāngata, Kāwhia moana. He kainga iti ki tai, e 650 noa iho nei te tatau o te hunga e noho ana ki tōna pito. He 62 ngā Tari Pirihimana takitahi puta noa i te motu, ā ko Kāwhia tētahi.

Kua moe a Āpiha Perry Griffin ki tētahi wahine Māori o te takiwā, e whakatupu ana rāua i ā rāua tamariki tokorua, engari i te Rāmere i tūkinotia a ia e tētahi tira tāne tokorima i āhurutia a Griffin e ngā tūao tinei ahi. Ināhoki, kō rātou ēra e karangatia kia hāpai i te ope pirihimana ki ngā tāone itiiti nei.

Ko tā ngā Ratonga Patu Ahi, e whai wāhanga nui ana rātou ki ngā tāona iti, tāpiri atu ko tā Callan Stewart o te Ratonga Patu Ahi o Kāwhia e tū whakahīhī katoa ana ia ki āna kaimahi me tā rātou kaha ki te awhi i te āpiha i taua wā, i whakatau ai rātou i te riri, i tuku i te awhi hoki ki ēra i te whara.

Ko te mea mīharo rawa ki ā ia, ko te nuinga o ngā kaitinei ahi kei ngā tāone iti he tūao, nā reira tauira kē tērā o tā rātou aroha mo ā rātou hapori mo te oranga o te hunga kei tā rātou tāone e noho ana hoki.

E rapu tonu ana te ope pirihimana i ngā tāngata tokorua, e whakapaetia ana i whai wāhi ki te tūkinotanga nei. E karanga ana hoki rātou ki te marea, kia hāpai mai, mā te whakaingoa i tētahi tāne i te mau tīhāte kikorangi i te wā i whakawhiti a ia i te rori me te tuki i te āpiha ki te papa.

E piki ake ana te ora o Griffin, koia e rongo ana i te mamae ki tōna hope, ngā momo maru ki te tinana, he motu ki tōna mata me ōna ringa, engari hīkaka ana ia kia hoki atu anō ki te mahi.

Hei te Rātū ka tū tētahi hui mo te marea ki te whare hapori o Kāwhia, tīmata mai ana a te whitu karaka i te pō.

Kairīpoata: Mihingarangi Forbes.