Kaupapa: Child Abuse

He kōrero whakatuma kia Oriwa Kemp

  • Waikato/Te Waiariki

He whakatuma kohuru, he karanga hoki ki te Kawanatanga ki te tango atu i te pepi i te whanautanga mai.

Koinei etahi o nga korero kua waipukehia e te wharangi pukamata o Oriwa Kemp. Ko atu i te rua rau te hunga i whakahoki korero ki tetahi pohi i runga i tana wharangi e tuku mihi atu ki a ia mo tana hapūtanga, i tuku patai ano hoki ki a ia mena i te hapū ia me etahi māhanga.

I kaha rere haere nga korero whakahe ki taua pōhi me te karanga kia tangohia te pepi. E ai ki tetahi o nga tāngata i tuhi korero ko ia tetahi i tutaki atu kia Kemp ki rō whare herehere, ko taana ano he hiahia nona ki te kohuru i a Kemp. I whiua a Kemp ki rō whare herehere e te kōti mo te tukino i a Nia Glassie, a i puta ia ki waho i te tau rua mano ma iwa e ai ki nga korero e noho kainga kore ana a Kemp i tenei wā tonu.