Kaupapa: Entertainment

He kitenga miharo mō te whanau o Stan Walker

  • Waikato/Te Waiariki

Inā rā te kaha pikoko o te iwi ki ā ia, i tere pau ngā tīkiti i hokona tōmuatia, ā, e hia kē ngā tangata kāore i waimarie ki te whai urunga atu. Otira i kikī pai tētahi whare pikitia i Tauranga i te whanau o te whetu o te kiriata a Stan Walker, kia mātaki tai ai rātou i tana kiriata tuatahi, a, ko tā Stan i ranonga mārikatia ngā purerehua i rērere hāere i tōna puku.

He tangata rongonui o te ao waiata, a inaianei o te aō kiriata hoki, kua waia kē a Stan Walker ki te tu ki raro i te rama paapaho. Engari i mua tonu  i te aroaro o tōna haukāinga, i tata maringi mai a roimata, i mua tonu i te whakāturanga o Mt Zion.

Ko tā Stan Walker ko tōna whakapou kaha i roto i taua kiriata he koha ki te kaha o tōna whanau ki te manaaki, ki te poipoi i ā ia i roto i enei mahi.

Engari kāore i roa ka pakaru mai a kata i ngā korero a tōna hoa whakāri, a Temuera Morrisson.

He ahua ngakau Māori ka kitea i roto i te whakāturanga, a he hokinga atu ki te tau whitu tekau mā iwa, me te hiahia o Walker ara e kiia ana ko Turei ki te whai i tōna moemoea i roto i te ao waiata, engari kia tutuki ai ana whāinga me taupatupatu ki ngā hiahia o tōna whanau, o tona papa hoki.

Ko te tikanga i te hoki moata atu a Walker ki Ahitereiria engari i noho mai ia kia pai ai tana noho tahi me tana rahi ki te mātakitaki i te pikitia, hei koha ki te hunga i kaha taunaki i a ia. 

E ai ki tētahi o ōna kuia i te kaha ohorere ia ki te mana me te tū o tana mokopuna ki roto i te kiriata rā, tapiri atu i te hīkaka katoa ia ki āna mahi.

Kua waia noa atu te whanau ki ōna pūmanawa waiata, engari e rere ana te pātai mēna rānei ka ū tonu ia ki ngā mahi whakāri. Ko tā Walker he hiahia nui nōna ki te whai tonu i ngā mahi kaiwhakāri, tu ātu ko tāna ano e mohio ana ia kare ano ia kia eke ki te taumata o te ao kiriata heoi, he whainga ano tera ka kaha ki te tutuki a ngā tau kei te tu mai.

Kō atu i te rua rau mano tāra i riro i te pikitia nei i tōna rangi tuatahi e pāhotia ana, ā, i taua rā tonu i eke te pae tuatahi o Box office, ā i tata paparuatia te hokona o āna tikiti ki ēra mō te kiriata BOY.