He aronga kore tā Titewhai ki ngā kaumatua o Ngāpuhi

  • Te Tai Tokerau

He kitenga ohorere ano i te tukinga atu o tana tama a Arthur Harawira ki ngā kaihoe o Te Tii Marae i te taenga mai o te Kawana Tianara a Sir Jerry Mateparae.

I tona taha ko te kuia rongonui nei engari mena he raruraru i tona whakaeke mai, kihai rawa te Kawana Tianara a Jerry Mateparae i rongo, i mohio ai rānei.

Ko tāna ahakoa i pupū ake te riri ki waenga i ngā kaihoe me Arthur Harawira i te kite ia kua tau noa te ahua o Waitangi he pai noaiho hoki tana haerenga

E kī ana ngā mātua o Te Tii, na Titewhai ano tōna tūranga ārahi manuhiri i hanga, Ehara hoki i te kawa o Ngāpuhi, engari he kawa paratiki nānā ano.

Ko tā Rihari Dargaville “ Mō tenei o tātou e haere nei e penei ake tātou korero ki ētahi o tātou kaua e haere ki runga i te pouaka pēna koe e kuare ana ki ou korero oti riro atu koe i ō rātou nei hiahia ehara wau’.

Hoki mai ana ki te manuhiri matua o te rā e kī ana ko ia te kanohi o te Karauna, te rangatira i tono mai hei whakaritea i te iwi Maori ki te Kuini o Ingarangi hei māngai ki wāenganui ia tātou.

Ko tā tētahi o ngā kaumātua o te Marae ko Nuki Aldridge “A ia tana tūranga he māngai mo te Kuini o Ingarangi engari te mana kei te Kawana. Koia tena te pōhehetanga ki wāenganui i ā tātou. Kia āta titiro ra ano tau i ngā mahi e mahia nei kia mohiotia tāua pena a ia hei whakaritea ki wāenganui ia tāua me te Kuini o Ingarangi”.


Hei apopo he manuhiri no te Karauna ko te Pirimia tonu a John Key.