E tautoko ana a Winitana Pita i te hapori o Tākiwira mō te kōti te take

  • Te Tai Tokerau

Ehara ko te Atua, engari he mea nui te taenga mai o Winitana ki te kāinga i kuraina ai a ia, hei kauhau ki te iwi mō te poronga o ngā ratonga ki Dargaville kia mahue mai he kōti rongo take noa iho āmuri nei.

Ki te tutuki te hiahia a Kāwana, ka rua haora te tawhiti o te haere ma ētahi mai i Te Raki o Te Wairoa ki Whangārei, ka rua haora anō te hokinga mai. 

E ai ki a Robert Sarich, he kaumātua o Te Uri o Hau, Ngāti Korokoro, he tawhiti rawa te haere mō rātou e noho ana i te ngāhere o Waipoua, i Poutō, Tinopai, i Tangiterōria anō hoki.

He rohe whānui Te Raki o Te Wairoa me te matatoru o te iwi Māori ki konei.  E mōhiotia ana ko rātou tonu ka ngaua e tēnei kaupapa a te wā.  Engari e mea ana a Kāwana, i tū atu i ngā ratonga ki Whangārei ka taea tonu e ngā iwi o tēnei rohe te rapu āwhina mai i te ture mā runga ipurangi.

Heoi, ahakoa te ngau kino nei ki te hapori, hei tā Pita, nā ngā ohu ngāherehere, pāmu hoki ka whai rawa a Aotearoa whānui, ana, ko ngā kaimahi o ēra ohu e noho ana ki ngā tāone iti pēnei.

E āki ana a Pita kia porotū te hapori ki ngā hiahia a te Kāwanatanga, hei tāna ko tā te Kāwana noa, he whakatikatika i ā rātou nama.

E rapu rautaki ana ngā iwi o tēnei kāinga hei tīni i te rangi o te waiata a Kāwana.