Kaupapa: Crime

E rapu ana i te tokorua mō tētahi matenga tūkino rawa

  • Te Whanganui-ā-Tara

He tokorua anō e rapuhia ana e ngā pirihimana mō tētahi mahi whānako tūkino me āna pānga ki te matenga o Glen Jones nō Te Pae o Tū Mōkai.

He tokotoru i mauheretia inanahi mō te tūkinotanga ki a Jones, e 40 tau te pakeke, ā kua tū rātou ki mua i te aroaro o Te Kōti a-rohe o Whakaoriori.

Tokorua o rātou, he wāhine, e 32 ngā tau o tētahi, e 22 ngā tau o tētahi. Ko te tuatoru o rātou, he tāne, e 28 tau te pakeke.

E ai ki ngā tirohanga ki te tūpāpaku o Jones, i mate ia nā ngā wharanga kikino ki tōna māhunga.

Kei te kimi tāngata hoki ngā pirihimana i kite pea i tētahi waka Holden Commodore, nama rēhita GHE787, i Whakaoriori, i Carterton, i Te Pae Tū Mōkai me Pōneke i te Pōmere, i te atapō rānei o te Rāhoroi.

Kairīpoata: Piripi Taylor.