Kaupapa: Politics

E noho tau ana te Pāti Māori?

  • Te Whanganui-ā-Tara

He kōrero tēnei kua puta i muri i te wero o Te Ururoa Flavell ki a Pita Sharples mō tōna tūranga kaiārahi takirua o te Pāti.  Heoi kare i tutuki te wawata o Flavell, inā e noho tonu ana a Turia rāua ko Sharples hei kaiārahi takirua mō te Pāti i tēnei wā.

Koinei tētahi anake o ngā take tōrangapu i pupū ake ki Rātana Pā i tēnei tau, pērā i ngā tau kua pahure ake i te ekenga o ngā Mema Paremata ki taua wāhi.

Tu ātu i te katoa o nga take tōrangapu, ko tera o te Pāti Māori tētahi i kaha pīata mai ki ngā rōpu apetihana, a i kaha kē rātou ki te whakamahi i taua raru hei pāinga mā rātou ano, pera ia Winston Peters te kai-ārahi o Aotearoa Tuatahi me te kī i te whakaparahakotia e te Pati Māori  te mana o te whakanuitanga o Tahupotiki Wiremu Ratana nā aua tautohe.

Ko te kai-ārahi o te Pati Mana a Hone Harawira tētahi ano i whai wāhi ki te whiu korero ki ōna hoa mahi ō mua. Ko tāna kua wareware kē ngā mema o te Pati Māori i te tino tikanga o tā rātou mahi, ki te tu mo te iwi, ko tāna i te tu kē rātou inaianei mo rātou anake.

Heoi e tū māro ana a Tariana Turia me te whakatau kare he raru, kei te pai hoki te hāere o ngā mahi o tōna rōpu.

Ko te whakapae a tētahi kaipāpāho tōrangapu a Henare Kingi mehemea kaore rātou e whakatika i a rātou raru hei te kowhiringa e tū mai nei, kei raro rātou e putu ana.

Nā reira ka noho tahi a Sharples raua ko Turia mō ngā wiki e waru tae noa ki tā rātou hui, ā ahakoa kei te whakapono rātou kua tau te wairua, ko te whakapae ka raru anō pea hei tera wiki i te hokinga mai o ngā mema tōrangapu ki te Whare Miere.