Kua tuku pīra te Kaunihera Māori

E ai ki tetahi o ngā tangata mātau ki ngā tautohe a te Māori a Ahorangi Ranginui Walker, he tangata mohio pū ano hoki ki te ara pakeke kei mua i te Kaunihera Māori ki te tohe mō te mana ki ngā wai Māori. Ko tāna mei kore ko te pūtea hei utu i ngā rōia mo te Kaunihera Māori hei utu ano hoki i nga nama Kōti tetahi anake o ngā wero nui kei mua i tā rātou aroaro.

Kua tuku pīra te Kaunihera Māori me te Tarahiti Waikato River and Dams, ki te whakatau a te Kōti Teitei, kā hāere tonu te hokona o Mighty River Power, ka kore e taea te arotake ā ture i taua mahi. Ko tā Rāhui Kātene kua tukuna ngā tono e rua ki te whakawhānui ake i ā rātou mahi, akene pea hoki ka āta whakārohia ano ngā mana nui o aua Kōti.

Ko tā Katene ano, ahakoa he nui te utu ki te tono pīra, he tono pai tā rātou, heoi he nui ngā mahi kei mua i te aroaro. Mehemea ka whakapeka te Kōti Matua i te kēhi, ka ranonga te take ki te Kōti Pīra hei te mutunga o Kohitātea.