Nō hea te Māori?

Mai anō e whakapaetia ana i Hāmoa kē tīmata ai te taipūwhenuatanga o ngā tīpuna Māohi, Māoli, Māori anō hoki ki te Rāwhiti o Porinīhia.  Heoi, e ai ki ngā rangahau a Ahorangi Wilson, i tīmata kē i ngā motu iti o Takū me Luangiua, kei roto i te rohe o Meranīhia, he motu mōwaho i Porinīhia.

Ki āna rangahau, e hanga ōrite ana te reo o aua moutere ki ērā e kōrerotia ana huri noa i te rāwhiti o Porinīhia, kaua ki Hāmoa, ki ētahi atu motu rānei i te uru o Porinīhia. Tuia ki te rite o te reo, he rite hoki ētahi tikanga hī ika. Ko te whakahau a ngā mātanga i Aotearoa nei, me mātai tonu ēnei kitenga.

Kairīpoata: Piripi Taylor.