He 'AWOP' te kōwhiringa mā te Matatini

Kei te whakarerekētia te pūnaha hokohoko ki te hui whakataetae haka o Te Matatini ka tū ki Rotorua hei te marama o Hui Tanguru.

Ko ngā kai me ngā taputapu o te whakataetae ka hokona mā te kāri AWOP, ki reira utaina ai ō moni hei whakapau māu ki te taiopenga nui whakaharahara.

Ka whakatūhia he tauranga AWOP ki ngā tini pito o te taiwhanga haka, e taea ō moni te uta ki te kāri, mā te tuku moni, te whakamahi i tō kari moni rānei.

He hangarau tēnei i whakamahia ki te taiopenga o Rhythm & Vines i Tūranga i tēnei tau, ā, ko tā Ticketek mā te pūnaha nei e whai māramatanga ai rātou.

Kairīpoata:  Kororia Taumaunu