Tom Roa Phd - Inspired by Apirana Ngata and Pei Te Hurinui Jones

Renee Kahukura Iosefa

Tahi rau rima tekau ma rua ngā tauira i whakapōtaetia ki te Whare Wananga o Waikato, ki te Kohinga Mārama Marae. Mō Tom Roa, he Pūkenga Matua o te Whare Wānanga, kātahi ko te kaupapa nui whakahirahira mōna ko tana whakapōtaetanga ki te tohu kairangi.

Ko te aratiatia o te mātauranga e whāia nei ki tōna tihi.

E ono tau a Tom Roa e whai ana ki te whakatūtuki i tōna tohu kairangi, inaianei kua ea nga mahi rangahau o tenei rangatira nō Tainui.

“Ko taku patai o roto i taku tuhinga roa he mea whai i nga kupu a ta Apirana Ngata raua ko Pei Te Hurinui kia kaua te kupu noaiho e whakamaoritia whakaarotia te wairua taku patai he aha tenei mea te wairua o roto i te mahi whakamaori whakapakeha hoki.”

Ahakoa e ono tekau ma toru tau te pakeke o tenei kaumatua kei te whai tonu ia ki te kapo ake i nga akoranga o te ao mātauranga.

“Mea nui whakaharahara tenei ra ki ahau ko maua ko taku kotiro kei te whakapotaetia i te ra kotahi.”

E ai ki a Tom Roa hei kīnaki i tōna whakapōtaetanga, ko te miharotanga o te takahitanga o tēnei ara me tōna whānau.