Kaupapa: Ngā Manu Kōrero

Te rā tuatahi: Ngā Manu Kōrero ā-Motu ki Waikato

Heeni Brown

'Me noho tuakana te kounga o te reo i ngā paearu o Te Matatini', ko 'Māori Globally Hot, Locally Hot' hoki ētahi o ngā kaupapa e kauhautia ana e ngā mātāmua o Ngā Whakataetae Manu Kōrero ā-motu i tīmata ki Mystery Creek i te rā nei.

Werohia kau ana, koinei te hokinga mai a Kaharau Keogh ki te paepae kōrero o ngā Manu Kōrero.

Ka hoki mai ia ki tēnei o ngā whakataetae he toa ki te wāhanga o Pei Te Hurinui.

Korekore koinei te taumata me eke rā anō ki te hiahia wikitōria.

Whakawhiti atu ki ngā waha Pākehā o Korimako, kua tae mai a Ngā Wai Hono I Te Pō.

I whai wāhi mātou ki te kōrero ki a Te Ingo Ngaia, he toa ō-mua, engari kua tai mai ki tēnei o ngā whakataetae hei kaiwhakawā.

Hei āpōpō ko ngā wāhanga teina o te whakataetae a Tā Turi Kara me Rāwhiti Ihaka, anō nei ka tohua ko wai rā ngā toa hōu ki tēnei o ngā whakataetae.