Te Kura Mana Māori o Whangaparaoa

He rā nui mo te iwi o Kauaetangohia me ngā whānau o Te Kura Mana Māori o Whangaparaoa kua eke nei ki tona tau kotahi rau me te tuwheratanga o ngā ruma hou i tutuki i te rā nei.

Na ngā tautoko a te Manatū Mātauranga i whai mana ai tēnei kura kia whakāko i ngā tamariki mai i te tau kotahi ki te tau tekau ma toru.

Hei tā Rika Mato, “E rima tau matau e whakāro ki tēnei wawata, ki tēnei moemoeā, ki te whakatū enei whare. He whare whakaruruhau mo ngā mokopuna, mo ngā tamariki o Whangaparaoa. I tēnei wā kua tutuki, kei runga kē ake te ngakau, te manawa o tēnei tangata e tu nei.”

Na reira ka hoki mai ngā tamariki i tēnei tau hou ki to rātou kura hou ki te whakatutuki i te whakatauki "Ko te manu kai miro, nona te ngahere.