Kaupapa: Education

TAHUA 2018: He "rare" ka hua mā te mātauranga Māori?

Te Kapa ā-Tihi - Rereātea

Inā te whānui o ngā wāhanga i roto i te rāngai mātauranga e hiahia ana kia nui kē ake te hua ki a rātau i te Tahua Pūtea a Te Kāwanatanga i tēnei rā. 

Ko ētahi o ēnei wāhanga ka taka mai i raro i te mātauranga Māori, pēnei i te kōhanga reo. I tērā tau i whakawhiwhia ki a rātau te rima miriona tāra.

Tuia, kua toko ake te pātai, ka ora pēhea ngā tauira kura hourua hei te anamata, mēnā rā kua tuku tono ngā kura nei kia uru ki te pūnaha kura kāwanatanga.

Hei tā te kikopuku o te ao Mātauranga Māori, tā Tawhirimātea Williams, me whakatū tētahi poari mātauranga Māori, mā te Māori tonu e whakahaere.