Kaupapa: Education

Rikarika ana te Kura o Dawson ki tētahi momo akoranga e kīa nei ko Jill.E Poetry

Rikarika ana ngā tamariki o te Kura o Dawson i Otara ki tētahi momo akoranga e kīa nei ko "Jill.E Poetry", e whakamahi ana i ngā Whiti, ngā momo waiata Rap me te kanikani, hei whakawhanake i o rātou pūkenga pānui, kōrero, tuhituhi, hanga pikitia. 
 
He momo akoranga e whakakotahi ai i ngā pukenga hanga whiti, te kanikani, me te waiata rap, hei whakaako i ngā mahi pānui, kōrero, hanga pikitia hoki, koia nei te kaupapa a te mātanga mātauranga, kaituhi pukapuka tamariki a Jill Eggleton.
 
Ahakoa nō ngā iwi maha ēnei mokopuna, ko tēnei momo āhuatanga me ōna tohutohu he ngāwari noa te hopu.
 
Otirā, ko te koanga ngākau, ko te aro ki te pānui, me te tuhituhi, te hua ka kapohia ake e ngā tauira.
 
E ahu atu te titiro a ēnei tauira ki te whakanui i Te Rā Hanga Whiti o Aotearoa, hei te paunga o te wiki e heke mai nei.