Kua hoki te mana ki Te Kura Mana Māori o Maraenui

Ko te Kura Mana Māori o Maraenui te hua o ngā wā taumaha i roto o Te Whānau a Apanui i ngā tau ki muri, he wā i mimiti te puna tamariki o te kura auraki o te takiwā.

Kātahi ka whakaarohia ake, me huri te kura hei Kura Kaupapa Māori, mei kore ka noho tuwhera tonu.

Otirā, i roto i ngā pakanga, ngā piki me ngā heke, kua kitea te puāwaitanga o te Kura Mana Māori o Maraenui i raro i ngā manākitanga me ngā tohutohu a te Matua Tangata, a Te Kooti.

Kāti he maha ngā wawata me ngā moemoeā i tutuki i roto i te kura, i waho ano o te kura i te 2013, me te aha he maha ngā moemoea mo te tau hou 2014.

Na reira kāre e pau ngā mihi ki te tumuaki o te Kura Mana Māori o Maraenui, a Ani Mohi, te rangatira kaikorero hoki a Robin Mohi, me ngā tamariki mokopuna, e hapai nei i to tātou reo, ngā tikanga, ngā waiata, me ngā karakia mea tuku iho e o tātou tupuna.