Ka rerekē ngā tikanga kāwana i ngā whare wānanga o te motu

E rere ana ngā māharahara i ētahi ahorangi mātauranga Māori mō te orangatonutanga o ngā tūru Māori ki ngā kaunihera whare wānanga.

Nō te rangi nei ka whakarewa te Kāwanatanga i tana mahere whakarerekē i ngā tikanga kāwana i ngā whare wānanga.

I te Whare Wānanga o Waikato, e rua ngā tūru Māori ki tana kaunihera.  He tūranga kei te werohia e te Kāwanatanga e ai ki te ahorangi, ki a Pou Temara.

O ngā Whare Wānanga auraki e waru ki Aotearoa, hei tā Pou Temara, e whā noa kua whakarite tūru Māori.  I raro i te mahere a te Kāwanatanga ka mukua katoatia ngā tūru motuhake pērā, eaoia, ka riro mā ia whare wānanga te whakatau mēna ka puritia tonutia.  Ko te Kīngitanga tētahi e whai tūru ana ki te Whare Wānanga o Waikato.

Ko te Whare Wānanga o Awanuiārangi tētahi kua huri kē ki te whakaiti i tana kaunihera.  E ai ki te toihau ki a Graham Smith, kotahi tonu te whakaaro.

Āpiti atu, mō ngā whare wānanga Māori kua whakahāngaitia a rātou poari ki te kaupapa Māori, kaua ki te kaupapa auraki.

E tūwhera ana te taha tuku tāpaetanga kōrero, he mea whakahaere e te mana mātauranga.