Ka arotake te kāwanatanga i ngā whakapuanga pūtea a Te Pātaka Ōhanga

He take tēnei kua ara ake i ngā whakapae e mea ana, i whakapaua hētia ētahi pūtea e etahi mema whakahaere i te kamupene tumataiti a Te Kohanga Reo, arā, i Te Pātaka Ōhanga.

E ai ki Te Poari Matua o Te Kōhanga Reo kei te tautoko rātou i te arotake motuhake ka whakaheretia, ā, ko tāna anō hei tēnei wiki tonu ka oti te ripoata arotake ta Te Poari Matua ake mō ngā whakapaunga pūtea a Te Pātaka Ōhanga.

E tuia ana ngā ngutu, engari, e tika ana ko te kōkiritanga o tētahi arotake motuhake tēnā i toko ake i ngā minita i tā rātou hui me te poari.

Ko te ngako, he ōtita i ngā putea tāke ka tukuna ki Te Kōhanga Reo - waru tekau miriona tāra te wariu.