Illegal methods to eject students on rise

By Talisa Kupenga

Kei te kake ngā tatauranga o ngā kura e whai ana i te ara hē hei pana i ngā tauira i te kura, tā te ripoata o Youth Law. Ka mutu, ko nga tamariki Māori me ngā tamariki āhua hauā hoki ka pākia. Ā, ahakoa tā Te Manatu Mātauranga kite i ngā tatau e heke ana mō ngā tamariki ka panaia i te kura, e ai ki te pūrongo, he tikanga rerekē tonu kei te whakamahia.

Ko tā nga māngai Māori ki Rutherford College, ko nga tamariki te matua, kaua ko ngā tatauranga. Na te kitenga a te ripoata Barriers to Education kua kake te maha o nga tauira kei te panaia mā te kuaha o muri.

Hei tā Kaitakawaenga Māori, Jeff Ruha, "He maha nga karo, he maha nga rautaki kua panaia nga tamariki ki waho, ehara tera he whakarangatira I te kura. He whakarangatira i roto i nga stats ae, ēngari mo nga tangata ka panaia atu ki waho me pehea mo ratou? He aha te kaupapa nui? Ngā tamariki or o koutou stats? Ki ahau nei ko nga tamariki katoa o te motu. Na ratou nga rangatira o apopo, poipoia ratou ahakoa te aha."

Ko tā te ripoata, tekau mā toru tau te pakeke o te tamaiti i te wā ka panaia i te kura, ēngari tērā hoki ngā tamariki e ono noaiho ngā tau kei te panaia hoki. Ko te tohe a ētahi, kua tikanga kē tēnei mahi, he mahi i hangaia kē mai hei whiu mutunga noa.

Hei tā kaitito ripoata Jennifer Walsh, "If you are removing someone you're essentially pushing the problem somewhere else so another school may need to accept that student and if they're not accepted then they're out of the schooling system or in alternative education which might not meet their needs at all."

Ahakoa tā te Te Manatū Matauranga he hekenga tatauranga te kitea mō ngā tini momo whakaputa, kāore rātou e kaute i ngā 'whakaputanga kiwi', arā te ākinga o ngā tauira kia kuhu ki kura kē, ina kaore ratou e aro ki tēnei momo ahuatanga.

Hei tā Ruha, “Mena kaore ratou ka eke ki te taumata tekau ma toru mena ka hiahia ratou, ka takahi ta ratou mana. Na, i nga tau e iwa kua pahure ake e wha nga tamaiti e mohiotia ana e au kua puta atu ki tētahi atu kura. Inaianei na, kotahi anake te tangata e ora ana nei i tenei ao, tokotoru nga tamaiti kua hinga, ehara tēra he mahi pai."

Ko ta te Tāhuhu o te Mātauranga kāhore te pana tamariki kia tikanga noa, ā, e kore e mohiotia mena e whai pānga atu ana ngā whakaputanga kiwi ki ngā tatauranga i te mea he taunakitanga paki noa ēnei kitenga i roto i te ripoata. 

Tuaritia: