Kaupapa: Business

I whakarewaina e te Rōpū Whakawhanake Wāhine Māori te kaupapa 'He Oranga'

Ko te wahine me tōna whānau te pūtake o tētahi kaupapa hōu ki te whakapakari ake i te tautoko ki ngā wāhine kei te ao ōhanga e mahi ana. 

I te rangi nei whakarewaina e te Rōpū Whakawhanake Wāhine Māori i tō rātou kaupapa 'He Oranga' ki Te Kaikohekohe.

E ai ki ngā mātanga o konei, ko ngā wāhine Māori ētahi o ngā tino pitomata i te ao pākihi i Aotearoa nei, heoi kei reira tonu ōna uauatanga kia toitū ai, nā whai i whai wāhi atu te Rōpū Whakawhanake Wāhine Māori ki te whakahaere i tēnei wānanga, 'He Oranga.'

Ko te mōhio ki te tiaki pūtea te akoranga tōmua i te ao ohanga, ahakoa ko tēhea, ki reira tīmata mai ai ngā mahi i te wānanga nei.

Ko te ao hangarau, ko te ao mahi ngātahi tonu ēra e aruarutia ana e tenei tira, mō te tūpono he pukenga ēnei me mōhio tonu i tēnei ao hurihuri e angitū ai, te tangata whakahaere pākihi.

Koia te tuatahi o ngā hui pēnei, kāti ko te wawata ia, kia puta te tauira hei whakamahinga mā wānanga kē, mā iwi kē.