Kaupapa: Education

He whakaaro kaikiri tā ētahi māhita ki a rātou tauira e ai ki tētahi kaupapa rangahau

Arā tētahi rangahau i ahu mai i te whakatutukinga o tētahi tohu mātauranga pokairua, e aro atu ana ki ngā tūmanako o ētahi kaiako mō ā rātou ākonga nō tēnā, nō tēnā iwi.

Hei tā Hana Turner te kairangahau, arā tonu ngā āhuatanga whakaako i ngā kaiako me whakapakari tonu kia kaupare ake i ngā waiaro kaikiri e ngau kino ana i ngā ākonga Māori i kitea i te rangahau.

Engari hei tā ētahi mātanga mātauranga Māori, ehara i te mea, he kaupapa hōu tēnei.

A, ahakoa kua puta te rautaki Mātauranga Māori a te Kāwanatanga, a Ka Hikitia, me tana kaupapa whakapiki ake i ngā taumata ako mō ngā ākonga Māori kei ngā Kura Tuarua arā ko Building on Success.

Hei tā Turner, arā tonu ngā mahi me kokiri tonu, ā, e tautokona ana tēnā whakaaro e Awanui Black o te Komiti Matauranga o te Kāhuirangatira ā Iwi.

Hei ta te Minita Matauranga a Hekia Parata, kua piki ake ngā hua ako mō te Māori, a, ka anga tonu rātou ki whakapiki i ngā hua ako mō ngā akonga, Māori hoki.