Kaupapa: Education

He tū ngātahi tā ngā kura kaupapa o te motu ki te whakahē i Ngā Whanaketanga Rūmaki Māori

He reta kua tukuna e ngā Kura Kaupapa Māori Aho Matua ki te Kāwanatanga e whakahē ana i te tono a Te Tāhuhu o te Mātauranga kia whakamātauhia rātou i raro i tētahi kaupapa hōu.

I te tau 2010, ka puta tuatahi mai Ngā Whanaketanga Rūmaki Māori me te karanga a te Kāwanatanga kia whakaarohia anō te marautanga o Te Aho Matua.  I te hui ā-motu o Te Rūnanganui o Ngā Kura Kaupapa Māori, i tū ngātahi ngā kura ki te whakahē.  Kei a Heeni Brown ngā whakamahuki.