He $5 miriona atu anō ka whakatahahia hei whakatū kura hourua

Mere McLean

Ki tā ngā kōrero a te uniana pou mātauranga a Te Riu Roa, e rima miriona tāra atu anō ka whakatahahia e te kāwanatanga i tua atu i āna pūtea kua whakaritea hei whakatū kura hourua, arā, tua atu i te tekau mā iwa miriona tāra.

Heoi, i te hui ā-tau a Te Riu Roa, ko te aki a Ahorangi Young Zhoa, he mātanga mātauranga o te ao, me titiro ki te whānuitanga o te marautanga e whakaakohia ana ki ēnei momo kura. 

Tērā te whakaaro o ētahi, he ara kē e takahia nei i te ao mātauranga, nā te tūnga o ngā paerewa mātauranga ā-Motu me te kaupapa kura hourua.

Mo te hunga tautoko , whakahee hoki i nga kura hourua, tērā te rangitahi o ngā whakāro ka toko mai i ngā whakahaua Ahorangi Yong Zhao, kia hiki i te wairua auaha o te hunga tamariki.

Engari mo ngā kaiako Māori kei te mura o te ahi, na ngā tikanga a te kawanatanga i taumaha ai te haere.

I raro i te kawanatanga o Nahinara ko ngā Paerewa ā-Motu te matua, me te whakaaro ia mā ngā kura hourua e hiki ai ngā hua matauranga a te Māori.

Hēoi kāore te kahui o Te Riu Roa mō te whakaae kia tupono whara te whai mātauranga a ngā tamariki.