Kaupapa: BUDGET

He $1.9 miriona tāra ka tukuna ki te kaupapa pūtaiao Māori

He 1.9 miriona tāra te pūtea ka tukuna ki te kaupapa a te Kāwanatanga e ātawhai ana i ngā mahi rangahau pūtaiao Māori. 

I whakarewahia e te Minita o ngā take pūtaiao a Steven Joyce rāua ko te Minita Whakawhanake i ngā take Māori ko Te Ururoa Flavell te pūtea hōu nei ka tohaina a ngā tau e rua ki ētahi kaupapa pūtaiao kua whakaritea ki te whakapakari i te tū a ngāi Māori i roto i taua ao rangahau. 

Ko tā Steven Joyce he pūtea tēnei ka whakamana i te whai ki te whakahonohono i a ngai Māori ki ngā take pūtaiao, kia taea hoki te whakapiki ake i te nuinga o ngā kaupapa whakawhanake ōhanga Māori. 

Ko ngā kaupapa ka whai pūtea e hāngai ana ki ngā mahi auahatanga, te taiao, ngā take hauora me te matauranga.

Ko tā Joyce, kua whai mana te Iwi Māori ki te ōhanga o Aotearoa me te whakahāere i ngā rawa o te taiao, ko te manako mā te pūtea hōu nei ka whakakotahi ai te matauranga Māori me ngā kaupapa pūtaiao ki te whakatinana i ētahi kaupapa auahatanga hōu kia whai hua te Iwi Māori te iwi whānui o Aotearoa hoki.