E whakawhiti atu ngā tauira o Te Kura Takawaenga o Whakatāne ki Hapana

Te Kāea

Koinei ngā tauira kua whiwhi ki ngā tūranga e whakawhiti tahi atu ai rātou me te koromatua o Whakatane ki Hapana.

He haerenga nui tēnei i runga i ngā manako a te Kaunihera o Whakatāne kia mau ai rātou i te reo me ngā tikanga o te ao kei tua.

Ka tau atu te ope tuārangi o Whakatāne ki te taone nui o Kamakaya.

He taone nui e korowai ana i tōna rahi, neke atu i te kotahi rau mano tāngata, he kotahi haora tōna tawhiti mai i Tokyo mā runga tereina.

Ko te whakaritenga nui o ēnei tauira te tino wero, te whai moni mo tā rātou haerenga.

I whai mana a Kamagaya hei taone nui i ngā tau whitu tekau o tērā rau tau.

He takiwā e rato ana i ngā tari mahi moni o Hapana, he nohonga tēnei mo te nuinga o te hunga ka whakawhiti atu ki Tokyo, mahi ai.

Ko ngā ahurea maha o Kamagaya te tino whainga o te haerenga mō ngā tauira Māori o Te Kura Takawaenga o Whakatāne.

Mo te nuinga o tā rātou haerenga, he whakatautau haka te tino mahi nui. Māmā noa iho!

Ka whakaatu tēnei ope i tā rātou ngahau tuatahi ki te tūwheratanga o te whare rūnanga o Kamagaya hei tērā Rahina.