E rere ana te reo ki waenga i tētahi rōpu e ngākaunui ana ki te reo

Ko Te Reo Kia Tika, Ko Te Reo Kia Rere, Ko Te Reo Kia Māori. Koira te whāinga a tetahi rōpu reo Māori hou kua whakatū ki Te Whanganui a Tara i tēnei wiki.

Karekau he toto Māori kei roto i a Mark Bradley, engari he marama te kite he ngakau Māori tōna.

Ko tāna, “He nui ngā wāhi, ngā ara ki te ako i te reo, engari ko ngā wāhi tumatanui ki te whakamahi i te reo koinei taku whai nei.”  

E rua tekau ma rima tau a Mark e ako ana i te reo Māori, ā ko te Kura Reo tētahi o ana akomanga, ā inapo karapinepine te hunga e kaingākau ana ki te reo Māori, he whāinga kotahi ta ratou.

He tuatahitanga tēnei momo hui ki Te Whanganui a Tara, heoi mo Kiingi Hepi, he pouako Māori ki te Wananga o Aotearoa, kāre he mahi tu ātu.

Heoi mo Mark kua tutuki ōna wawata mo tenei wā, engari he nui ngā mahi kei mua i a ia.

Hei te Taite e tu mai nei hui ano te rōpu ki Te Papa Tongarewa.