Kaupapa: Te Reo Māori

E āta tirohia ana e 'Te Ahu o te Reo' ki te āhua o te reo Māori i ēnei ra

Ko te āta rangahau i te ora o te reo Māori kei ngā kāinga me ngā hapori o te motu te ito o tētahi kaupapa rangahau kua whakarewahia e kii āna ko 'Te Ahu o te Reo'. 

Rua tekau mā whā ngā kairangahau kua huihui tahi ki Pōneke i mua i tā rātou puta ki te motu whānui hei kohi kōrero mo te kaupapa rangahau nei. 

E waru ngā rohe ka āta tirohia i āta whiriwhiri aua rohe na runga i te tokomaha o te hunga Māori kōrero Māori o reira, tae atu ki ētahi he tokoiti kē ō reira, kia uru mai ano ētahi taone nui, he matahuhua, nō ngā iwi huhua anō a ngāi Māori e noho ana ki reira. 

Ko ngā wāhi kua whakaritea ko Ruatoki, Te Tai Tokerau, Taranaki, Tāmaki ki te Hauāuru, Tāmaki ki te Tonga, ko Wairoa, Otautahi me Tauranga.

Ko te tikanga mā te rangahau nei e tāea ai te whakatau e pēhea rawa ana te ora o te reo i ēnei hapori, he aha hoki ngā mea e whakararu ana e tautoko ana rānei i te tupu o te reo, ā mā ētahi atu āhuatanga tēra e āwhna i ngā whānau, i ngā hapori ki te whakatutuki i ō rātou wawata mo te whakaora ake i te reo Māori. 

Ki tā te Rangahau Matauranga o Aotearoa e mahi tahi ā kirimana ana mē te Taura Whiri i te reo ko tā te kaupapa nei, he āta wherawhera i ngā mahi a ētahi kāinga, ā ētahi hapori ka tīpakona ki te hei reo mataora tēnei, he reo kōrero noa o ia rā. 

Ko ngā pātai matua ka wherawherahia, he pēhea te kaha te rahi o te kōrero, ko wai mā kei te kōrero, he aha ngā take e korerotia ai te reo, he aha hoki ngā momo tautoko e mātua hiahiatia ana.