Renee Kahukura Iosefa

Ngāti Kahungunu, Rongomaiwahine, Waikato Tainui, Ngāti Rārua o Te Ātiawa

I whānau mai, i pakeke mai hoki a Renee i Waikato, ā i kuraina ki Te Wharekura Kaupapa Māori o Rākaumanga.  Nō muri tata mai i tana wehenga i te kura, ka rere ia ki te ao hei kaikanikani Poronīhia, hei māngai taiohi hoki mō Aotearoa.  Kātahi ka haere ia ki Te Whare Wānanga o Tāmaki Makaurau ki te ako i ngā mahi kanikani, kātahi ka kite ia i te pānui e mea ana ka tū tētahi hongere Māori, nā whai anō ia ka whakairi ake i tana pa’u hula, ka rautaki haere ia me pēwhea e uru atu ki Whakaata Māori.  Kāre i roa ka riro i a ia i te Tītohu mai i te NZ Radio Broadcasting School, ā, ka whiwhi mahi ia i Te Reo Irirangi o Tainui, ka riro hoki māna ngā hōtaka e toru e kawe.  Nō te tau whai muri iho, ka hono atu a Renee ki a Te Kāea, i reira kairīpoata ai mō te rima tau. Ka whakatā ia mō tētahi wā, ā, i taua wā ka moe tāne ia ka whiwhi tamariki hoki.  Kātahi ia ka hoki mai hei kaimahi mō te tira o Native Affairs.  ‘Mē he tūranga i wawatatia e au, he hōnore, he maringa nui hoki nōku kua whai wāhi mai ki roto o Whakaata Māori.’ 

Renee.kahukura@maoritelevision.com