Wehe atu ana te kapa wahine o ngā Black Sticks ki Āketina

Hei te paunga o te kotahi marama, haere atu ai te tira haupoi wahine o Aotearoa ki Āketina mō ngā tukinga e 5 ki te kapa wāhine matua o reira, arā, ko te kapa tērā i whiwhi i te metara hiriwa i ngā Taumāhekeheke Orimipia ki Rānana i tērā tau.

Hei tā te kaiako matua o te kapa Black Sticks, hei tā Mark Hager, ahakoa te angitū o tana tira ki Inia i te Hakihea kua hipa, me whakapai ake anō ngā mahi hei te wā ka tākaro ki Āketina, te kapa nama rua i te ao.

Hei te 21 o Hui Tanguru wehe atu ai ngā Rākau Pango ki te tonga o Amerika, ā, hei te 24 o taua marama, tū ai te tukinga tuatahi.

Kairīpoata:  Paul Mikkelson