Tokomaha ngā tamariki kura i tae atu ki AUT ki te tautoko i ngā kaipara Paralympic

  • Tāmaki Makaurau

Kua tīmata te tatau a ngā whenua kotahi rau whitu tekau i ngā rā ki te taumahekeheke Paraorimipia, ā, i konei i Aotearoa, e toru rau ono tekau mā rima ngā tamariki kura i tae atu ki te whare hākinakina Millenium ki te whakanui i te rangi nei.

Kotahi tau e toe ana ki te taumāhekeheke para-orimipia ka tū ki Rio, ā, e rere kau ana te wairua whakanui.

Neke atu i te 80 ngā tari, kura anō hoki huri noa i te motu e mau koura ana i te rangi nei ki te tautoko, he mea kōkiri e Paralympics New Zealand.

Mārama mai marama atu, he whakangungu te mahi, ā, mō kaieke pahikara mō Emma Foy ka ea ngā mamae o ngā whakangungu nei i ngā kaitautoko, kaiāwhina anō hoki. 

Kia mutu ana ngā mahi rēhia, ko te whakapau kaha te mahi.

Ā, kei te mōhio ngā kaipara nei, kei tua o hemihemi ngā mahara o te tini.